ბათუმში ჭადრაკში საერთაშორისო ტურნირი გაიხსნა. შეჯიბრი ოთხ ასაკობრივ ჯგუფში გოგონებსა და ჭაბუკებს შორის იმართება.

 

საერთაშორისო ტურნირი ორ ეტაპად ჩატარდება, თამაშების პირველი ეტაპი 19-26 ივლისს, ხოლო მეორე 14-21 აგვისტოს ჩათვლით შედგება. შეჯიბრი ფიდეს წესების დაცვითა და შვეიცარული სისტემით მიმდინარეობს.

 

ბათუმის ღია პირველობისთვის 100-მდე მოზარდი იბრძოლებს, რომელთაგანაც გამარჯვებულ 24 მონაწილეს ბათუმის მერია დიპლომებით, თასებითა და მედლებით დააჯილდოვებს.

 

აღნიშნული ტურნირი ტრადიციულია და იგი ბათუმში წელს მეხუთედ ტარდება.