ბათუმში ქვიშის ფეხბურთის ფესტივალი დასრულდა. საფინალო შეხვედრა ბათუმისა და თელავის გუნდებს შორის გაიმართა. ფეხბურთელთა ასაკობრივი კატეგორია 16-დან 30 წლამდე იყო. გამარჯვება თელავის გუნდმა მოიპოვა.
გამარჯვებულებს მერიის მიერ დაწესებული სიგელები, თასები და ფასიანი საჩუქრები გადაეცათ.
ბათუმის პლაჟის ახალ მოედანზე ქვიშის ფეხბურთის პირველი საერთაშორისო ჩემპიონატი 23 ივლისს დაიწყო და მასში საქართველოს სხვადასხვა ქალაქების გარდა, სომხეთის გუნდიც იღებდა მონაწილეობას.
მატჩებზე დასწრება ოთხი დღის განმავლობაში გულშემატკივრებს უფასოდ შეეძლოთ. ფესტივალი ტრადიციულ ხასიათს მიიღებს და მომავალ წელსაც ჩატარდება.
|
