მუნიციპალურ საბავშვო ბაღებში ენერგოეფექტურობის ევროპული სტანდარტის დანერგვასთან დაკავშირებით სამუშაო შეხვედრა გაიმართა
2022-05-24
მუნიციპალურ საბავშვო ბაღებში ენერგოეფექტურობის ევროპული სტანდარტის დანერგვასთან დაკავშირებით, სამუშაო შეხვედრა გაიმართა, რომელსაც საერთაშორისო პარტნიორები ესწრებოდნენ.
პროექტი მრავალწლიანია, რის შედეგადაც, ბათუმი ევროსტანდარტების შესაბამისი ენერგოდამზოგავი ტექნოლოგიებით აღჭურვილი ბაღების მქონე პირველი ქალაქი იქნება საქართველოში.
4 წლის განმავლობაში, 20-მდე მუნიციპალურ საბავშვო ბაღში, ეტაპობრივად განხორციელდება ენერგოეფექტური ღონისძიებები.
საწყის ეტაპზე 4 საბავშვო ბაღში დაიწყება სამუშაოები.
უკვე გამოცხადებულია საერთაშორისო ტენდერი (წინასაკვალიფიკაციო შერჩევის ეტაპი) და დასრულებულია განაცხადების მიღება.
პროექტის მიზანია სათბური ემისიების შემცირება. დაფინანსების ოდენობა 7 მილიონ 500 ათას ევროს შეადგენს გრანტის სახით.
პროექტი გერმანიასა და საქართველოს შორის ფინანსური თანამშრომლობის ფარგლებში ხორციელდება, რომელსაც, გრანტის სახით, დახმარებას უწევს გერმანიის რეკონსტრუქციის საკრედიტო ბანკი (KfW).
